Santiago de Chile

Santiago de Chile
-33.45-70.666666666667522Koordinate: 33° 27′ S, 70° 40′ W Santiago de Chile​ Santiago de Chile uf dr Charte vo Chile
Basisdate
Staat	Chile
Region	Región Metropolitana
Stadtgründig	12. Februar 1541
Iiwohner	5.392.395 (2009)
– im Balligsruum	8.004.105
Stadtinsignie
Detaildate
Flechi	641,4 km²
Bevölkerigsdichti	8.407 Ew./km2
Höchi	522 m
Stadtgliderig	37 Comunas
Gwässer	Río Mapocho
Postleitzahl	8320000
Vorwahl	+56 2
Zitzone	UTC-4
Stadtvorsitz	Carolina Tohá
Website	www.gobiernosantiago.cl
Santiago de Chile im Winter

Santiago de Chile, offiziell und churz Santiago isch d Hauptschadt vo Chile und ligt in de Santiago Region an de Oschküschte.

S Stadtgebiet isch Däil vo dr Hauptstadtregion (Región Metropolitana), wo näbe dr Browinz Santiago no fümf anderi Browinze umfasst. Im stedtische Siidligsgebiet (área urbana) lääbe 5'392'395 Lüt, in dr ganze Región Metropolitana si s 6'061'185 (Volkszelig 2002).^[1] Öbbe 40 Brozänt vo alle Chilene lääbe in dr Hauptstadt oder in iirer diräkte Umgääbig.

Santiago häisst äigentlig nume d Gmäind, wo s Stadtzentrum und s Regierigsviertel umfasst. Do lääbe 200'792 Lüt (Volkszelig 2002). D Agglomerazion Santiago umfasst hingege sogar Stedt und Gmäinde in andere Browinze, wie Puente Alto oder San Bernardo.

D Stadt isch ooni Froog s politische Zentrum vo Chile, au wenn s chilenische Parlamänt, dr Congreso Nacional (Nazionalkongräss), z Valparaíso dagt. Santiago isch e wichdige Vercheerschnotepunkt und s bedütendste Wirtschafts- und Kulturzentrum vo Chile mit e Hufe Uniwersidääte, Hoochschuele, Museum und Baudänkmööler. Die bedütendste Undernääme z Chile häi iire Sitz z Santiago, grad so wie e Hufe usländischi Depandanse. D Hauptstadt isch au s Mediezentrum vom Land.

1. ↑ INE: Mapa Interactivo